Azərbaycan News Agency

Ukrayna Prezidenti Volodimir Zelenski ölkəsinin Avropa İttifaqına (Aİ) qoşulma prosesi çərçivəsində 2-ci və 3-cü danışıqlar klasterlərinin rəsmi olaraq açıldığını açıqlayıb.
Zelenski sosial media hesabında məsələ ilə bağlı açıqlamasında Aİ-yə gedən yolda daha bir mühüm addımın geridə qaldığını bildirib və dəstəyə görə İrlandiyanın xarici işlər naziri Micheál Martinə, Avropa İttifaqı Şurasının Prezidentinə, Avropa Komissiyasının Prezidenti Ursula fon der Leyenə və bütün Aİ üzvü ölkələrə təşəkkür edib.
Ukraynanın gələcəyi və Avropanın təhlükəsizliyi uğrunda mübarizə aparan hər kəsə minnətdarlığını bildirən Zelenski deyib: "Birlikdə daha güclü Avropayıq. İlin sonuna qədər qalan iki danışıqlar klasterinin də açılması və beləliklə bütün altı danışıqlar klasterinin açılmış olması üçün hamımızın bu tempi qoruması vacibdir. Ukrayna buna layiqdir."