Tramp: Çirklənmənin dəyəri Kanadanın ödədiyi gömrük rüsumlarına əlavə edilməlidir
Vaşinqton, 17 iyul (Hibya) - ABŞ Prezidenti Donald Tramp bildirib ki, Kanadadan gələn meşə yanğınlarının tüstüsü ABŞ-da havanın keyfiyyətinə mənfi təsir göstərdiyi üçün bu ölkəyə tətbiq olunan gömrük rüsumları artırılmalıdır.
ABŞ Prezidenti Donald Tramp Kanada hökumətini meşələrin idarə olunması və tullantıların təmizlənməsi üzrə əsas tədbirləri həyata keçirməkdən imtina etməkdə ittiham edərək bunu "qəsdən edilən səhlənkarlıq" adlandırıb.
Sərhədlərarası ekoloji çirklənmənin ABŞ-a milyardlarla dollara başa gəldiyini bildirən və məsələni müzakirə etmək üçün Kanada Baş nazirinə zəng edəcəyini deyən Tramp qeyd edib: "Kanadanı meşələrini və kolluq sahələrini lazımi qaydada qorumadığına görə məsuliyyət daşıyan hesab edirik. Nəticədə ABŞ tamamilə qəbuledilməz şəkildə çirkli, sağlamlıq üçün zərərli və təhlükəli hava ilə üz-üzə qalır."
Mark Karniyə zəng edəcəyini vurğulayan Tramp deyib: "Bu məsələ ilə bağlı nə edəcəklərini öyrənmək üçün gün ərzində Baş nazirə zəng edəcəyəm. Bunun dəyəri hesablanacaq kimi deyil."
Tramp sözlərini belə yekunlaşdırıb: "Kanada bunun nəticəsini bilə-bilə meşələrin idarə olunması və tullantıların təmizlənməsi üzrə əsas tədbirləri həyata keçirməkdən imtina etdi. Bu, qəsdən edilən səhlənkarlıqdır və hər il ABŞ-a milyardlarla dollara başa gəlir. Bu çirklənmənin dəyəri Kanadanın hazırda ödədiyi gömrük rüsumlarına əlavə edilməlidir."
Azərbaycan İnformasiya Agentliyi
Facebook
Tweeter
Whatsapp
