Azərbaycan News Agency

ABŞ Prezidenti Donald Tramp İranın nüvə proqramı ilə bağlı mövqeyini təkrarlayaraq, Papa XIV Leo-nun bölgədəki vəziyyətlə bağlı tənqidlərinə cavab verib və Tehran rəhbərliyi ilə aparılan təmasların hazırkı vəziyyətini dəyərləndirib.

Vatikanla bağlı mesajlarını davam etdirən Tramp deyib: “Papanın bunu başa düşməsi çox vacibdir. İran tamamilə silahsız olan 42 min nəfəri öldürüb. Bunlar etirazçılar idi. İranın nüvə silahı ola bilməz. Əgər olsaydı, dünyadakı hər bir ölkə böyük çətinliklə üzləşərdi.”

İranla davam edən danışıqlara toxunan Tramp bildirib: “İran bir razılaşma əldə etmək istəyir və biz də onlarla çox yaxşı şəkildə danışırıq. Nüvə silahlarımız olmamalıdır. Bu çox vacib amildir və bu gün onlar iki ay əvvəl etməyə hazır olmadıqları şeyləri etməyə hazırdırlar.”

Danışıqların kritik mərhələdə olduğunu vurğulayan Tramp əlavə edib: “Əgər razılaşma olmazsa, münaqişələr yenidən başlayacaq. Blokada inanılmaz idi; onlar müqavimət göstərirlər, heç bir iş görmürlər, hər şey, o cümlədən rəhbərləri də getdi. İndi yeni bir rəhbərlik komandası var və biz onları çox məntiqli hesab edirik.”