Azərbaycan News Agency

Amerika Birləşmiş Ştatlarının (ABŞ) Prezidenti Donald Tramp İranla bağlı aparılan proseslər və hökumət daxilindən məlumat sızdıran şəxslərə qarşı atılacaq addımlar barədə fikirlərini bölüşüb.

İrana qarşı tətbiq oluna biləcək strategiyalara toxunan Tramp bildirib: "Hazırda etdiyimiz işi davam etdirə və onları hissə-hissə məhv edə bilərik. Bunu daha sürətli edə bilərik və bəlkə də edəcəyik — yaxud onlarla danışıqlar apara bilərik ki, hazırda da bunu edirik."

Araşdırmaların hədəfi və məlumat sızdıran şəxslərə diqqət çəkən Tramp deyib: "Biz jurnalistlərin deyil, məlumat sızdıranların arxasınca gedirik. Biz qorxaq, vətənpərvər olmayan və bir çox hallarda xain olan insanların arxasınca gedirik və onları tapmağın yolu jurnalistlərdən keçir."