Azərbaycan News Agency

Trump sektordakı iri emal şirkətlərinin inhisar yaratdığını bildirərək, bu gücü zəiflətmək üçün zəruri hüquqi sənədlərin hazırlanmasına göstəriş verdiyini qeyd edib.

Trump fermerlərin və heyvandarlıqla məşğul olan istehsalçıların onun üçün “həmişə bir nömrəli prioritet” olduğunu bildirib. İri qida emalı şirkətlərinin istehsalçılar üzərində əhəmiyyətli gücə malik olduğunu deyən Trump sektorda əsasən dörd böyük şirkətin fəaliyyət göstərdiyini və bunun rəqabət baxımından problem yaratdığını iddia edib.

Trump, “Bu güclü inhisarı dağıtmaq üçün fermerlərə və heyvandarlıqla məşğul olan istehsalçılara öz qidalarını emal etmək hüququ verəcək hüquqi sənədlərin hazırlanmasına icazə verirəm” deyib.

Trump tənzimləmənin sürətlə irəliləməsini gözlədiyini bildirərək, iri emal şirkətlərinin mülkiyyət strukturunun əhəmiyyətli hissəsinin ABŞ-dan kənarda yerləşdiyini də iddia edib.