Azərbaycan News Agency

Estoniyanın xarici işlər naziri Tsahkna Ukraynanın xarici işlər naziri Sybiha ilə telefon danışığı aparıb. Danışıqda Ukraynada ədalətli və davamlı sülhə doğru son inkişaflar, həmçinin hücumların yenidən baş verməməsi üçün təhlükəsizlik zəmanətləri məsələsi dəyərləndirilib.

Tsahkna danışıqla bağlı açıqlamasında Estoniyanın Ukraynaya verdiyi dəstəyin davam etdiyini bildirib və “Estoniyanın Ukraynaya dəstəyi sarsılmazdır” deyib.

Sybiha isə Ukraynanın hava hücumundan müdafiəsinin gücləndirilməsinin, əlavə silah tədarükünün təmin edilməsinin və Rusiya üzərində beynəlxalq təzyiqin qorunması üçün sərt sanksiyaların əhəmiyyətini vurğulayıb. O, həmçinin Ukraynanın dayanıqlığının qorunması baxımından bu addımların zəruri olduğunu qeyd edib.

Danışıqda Avropa Şurasının 2026–2027 dövründə Ukraynaya 90 milyard avro maliyyə dəstəyi göstərilməsi barədə qərarı, eləcə də Avropa İttifaqının Rusiyanın müharibəni dayandırıb Ukraynaya təzminat ödəyənədək dondurulmuş Rusiya aktivlərini blokda saxlamaq qərarı da xatırladılıb.