Azərbaycan News Agency

Estoniyanın xarici işlər naziri Marqus Tsahkna bildirib ki, Ukraynaya qarşı törədilən təcavüz cinayətlərinin mühakiməsi üçün yaradılmış Xüsusi Tribunal Estoniya da daxil olmaqla 36 ölkə və Avropa İttifaqı tərəfindən rəsmi şəkildə dəstəklənib və onlar ədalətin təmin olunması məsələsində qətiyyətli mövqe nümayiş etdirirlər.

Qəbul edilən qərarın əhəmiyyətinə diqqət çəkən Tsahkna deyib: “Bu gün hesabatlılıq baxımından çox vacib bir gündür. Estoniya da daxil olmaqla 36 ölkə və Avropa İttifaqı Ukraynaya qarşı təcavüz cinayəti üzrə yaradılmış Xüsusi Tribunalı rəsmi şəkildə dəstəklədi.”

Tsahkna bildirib: “Mesajımız aydındır: Rusiyanın vəhşilikləri sənədləşdiriləcək, mühakimə olunacaq və cəzalandırılacaq. Heç bir cinayətkar ədalətdən qaça bilməyəcək.”

Beynəlxalq hüququn qorunacağını vurğulayan Tsahkna deyib: “Təcavüzkarın beynəlxalq nizamın əsaslarını yenidən yazmasına icazə verməyəcəyik. Cəzasızlıq burada sona çatır.”