Azərbaycan News Agency

Estoniyanın xarici işlər naziri Marqus Tsahkna verdiyi açıqlamada Rusiyanın bu gün Ukraynanın müxtəlif bölgələrində həyata keçirdiyi hücumlar nəticəsində ən azı 17 nəfərin həyatını itirdiyini, ölənlər arasında uşaqların da olduğunu bildirib. Tsahkna Dniproda qatar platformasının, Çernihivdə insanların sıx olduğu şəhər mərkəzinin və Kremençukda yaşayış binasının hədəf alındığını qeyd edib.

Rusiya Prezidenti Vladimir Putinin sülh səylərinə zorakılıqla cavab verdiyini bildirən Tsahkna Rusiyanın müharibə məqsədlərindən imtina etməsi və ciddi sülh danışıqlarında iştirak etməsi üçün təzyiqin artırılmasının vacibliyini vurğulayıb.

Tsahkna sanksiyaların sərtləşdirilməsinə, Rusiyanın beynəlxalq arenada daha da təcrid edilməsinə və Ukraynaya göstərilən dəstəyin, xüsusilə hava hücumundan müdafiə sahəsində gücləndirilməsinə çağırıb.