Azərbaycan News Agency

Estoniyanın xarici işlər naziri Marqus Tsahkna ABŞ administrasiyasının Avropa ölkələrini hədəf alan yeni ticarət məhdudiyyətləri ilə bağlı açıqlama verib.

Gömrük rüsumları ilə bağlı qərarı dəyərləndirən Tsahkna bildirib: “Prezident Trampın bəzi Avropa ölkələrinə gömrük rüsumları tətbiq etmək qərarı təəccüblü və məyusedicidir, xüsusilə də avropalılar ABŞ-ın dəstəklədiyi addımları izləyərək Arktikada ortaq təhlükəsizliyimizi gücləndirməyə çalışarkən.”

Ticarət siyasətinə bütöv şəkildə yanaşılmasının vacibliyini vurğulayan Tsahkna əlavə edib: “Belə gömrük rüsumları, ortaq ticarət siyasətimiz olduğu üçün bütün Avropa İttifaqına təsir göstərəcək. Növbəti addımları müəyyənləşdirmək üçün Avropa İttifaqı tərəfdaşlarımızla sıx məsləhətləşmələr aparırıq.”