Azərbaycan News Agency

Prezident Zelenski bildirib ki, nümayəndə heyətləri hesabat təqdim edib və Birləşmiş Ərəb Əmirliklərindəki danışıqlar yekunlaşıb.

Zelenski vurğulayıb ki, danışıqlar zamanı bir çox məsələ müzakirə olunub və onların konstruktiv xarakter daşıması böyük əhəmiyyət kəsb edir, əlavə edərək qeyd edib ki, danışıqlarda hər üç tərəfdən hərbi nümayəndələr də iştirak edib.

Danışıqların mərkəzində müharibənin başa çatdırılmasına dair mümkün parametrlərin yer aldığını bildirən Zelenski deyib: “Müharibənin başa çatdırılması prosesinə nəzarət və real təhlükəsizliyin təmin edilməsi baxımından ABŞ-ın nəzarət və müşahidəsinə ehtiyacın başa düşülməsini son dərəcə dəyərli hesab edirəm.”

Zelenski əlavə edib ki, ABŞ tərəfi müharibənin başa çatdırılmasına dair parametrlərin rəsmiləşdirilməsi üçün mümkün formatları və bunun üçün zəruri təhlükəsizlik şərtlərini də gündəmə gətirib və bildirib:

“Bu günlər ərzində keçirilən görüşlərin nəticəsi olaraq, bütün tərəflər danışıqların hər bir mövzusu üzrə paytaxtlarına hesabat təqdim etmək və növbəti addımları liderləri ilə əlaqələndirmək barədə razılığa gəlib. Hərbi nümayəndələr mümkün növbəti görüş üçün müzakirə ediləcək mövzuların siyahısını müəyyənləşdiriblər. İrəliləyiş üçün iradə olacağı təqdirdə — Ukrayna buna hazırdır — yeni görüşlər hətta gələn həftə baş tuta bilər. Nümayəndə heyətinin qayıdışından sonra onlardan birbaşa brifinq gözləyirəm.”

Zelenski deyib: “Ukrayna sülh və təhlükəsizlik üçün çalışır. Töfhə verən hər kəsə təşəkkür edirəm.”