Azərbaycan News Agency

Ukrayna Xarici İşlər Nazirliyinin bəyanatında bildirilib ki, xarici işlər naziri Andriy Sibiha Avropa İttifaqı rəsmiləri ilə birlikdə Buçaya səfər edərək Rusiya işğalı zamanı həlak olanların xatirəsinə ehtiram göstərib. Səfərdə Avropa İttifaqının Xarici İşlər və Təhlükəsizlik Siyasəti üzrə Ali Nümayəndəsi Kaja Kallas və Aİ qurumlarının yüksək səviyyəli rəsmiləri də iştirak ediblər.

Bəyanatda deyilir: “Buça Rusiyanın törətdiyi vəhşiliklərin simvolu olmaqla yanaşı, Ukraynanın dayanıqlılığının da göstəricisidir. Torpaqlarımızın azad olunması prosesi dörd il əvvəl buradan başladı.”

Bəyanatda vurğulanıb ki, Rusiyanın törətdiyi cinayətlər cəzasız qalmamalıdır və bu çərçivədə xüsusi məhkəmənin yaradılması, zərər reyestri sisteminin qurulması və kompensasiya komissiyasının yaradılması istiqamətində işlər davam edir.

Həmçinin bildirilib ki, Aİ xarici işlər nazirlərinin toplantısında cəbhədəki vəziyyət, enerji təhlükəsizliyi və Ukraynanın Aİ-yə üzvlük prosesi müzakirə olunacaq və qeyd olunub: “Ukraynadakı cəbhə xətti beynəlxalq hüququn və ortaq dəyərlərimizin də cəbhə xəttidir. Ukrayna Avropadır və yerimiz Avropa İttifaqındadır.”