Azərbaycan News Agency

Ukrayna Xarici İşlər Nazirliyinin açıqlamasında Maltanın Ukraynanın suverenliyi və ərazi bütövlüyünə verdiyi dəstəyə, Rusiyanın təcavüzünə qarşı nümayiş etdirdiyi mövqeyə və hesabatlılıq məsələsində qətiyyətinə yüksək dəyər verildiyi bildirilib.

Açıqlamada Maltanın Ukraynanın Avropa yoluna verdiyi dəstək də qeyd olunub, ukraynalı uşaqların evlərinə qaytarılması istiqamətində göstərilən səylərə, Rusiyaya qarşı sanksiya təzyiqinin gücləndirilməsinə və sanksiyalardan yayınmanın qarşısının alınmasına yönəlmiş işlərə görə təşəkkür edilib.

Açıqlamada, “Ədalət, təhlükəsizlik və davamlı sülh naminə tərəfdaşlığımızı daha da dərinləşdirməyi səbirsizliklə gözləyirik.” ifadələrinə yer verilib.