Azərbaycan News Agency

Ukrayna Milli Təhlükəsizlik və Müdafiə Şurasının katibi Rüstəm Umerov Cenevrədə keçirilən üçtərəfli danışıqların ilk gününün başa çatdığını bildirdi.

Umerov birgə iclasdan sonra işlərin sahələr üzrə qruplar halında davam etdirildiyini, müzakirələrin isə praktiki məsələlərə və mümkün həll mexanizmlərinə yönəldiyini qeyd etdi.

O, həm siyasi, həm də hərbi cəbhədə bugünkü işlərin tamamlandığını vurğulayaraq dedi: “Amerikalı tərəfdaşlarımıza konstruktiv iştirakları və sabit tempdə işləmək istəkləri üçün təşəkkür edirik.”

Umerov əlavə etdi ki, Cenevrədə danışıqların ilk gününün nəticələri Ukrayna Prezidentinə təqdim olunacaq və “Sabah səhər siyasi və hərbi qruplar işlərini davam etdirəcəklər.”