Azərbaycan News Agency

Ukrayna Prezidenti Volodimir Zelenski bildirib ki, Alfa bölməsi Ukraynanın təhlükəsizliyi naminə hər gün mürəkkəb və kritik tapşırıqları yerinə yetirən peşəkar, cəsur və motivasiyalı döyüşçülərdən ibarətdir.

Zelenski qeyd edib ki, genişmiqyaslı müharibə boyunca Alfa döyüşçüləri minlərlə düşmən texnikasını məhv edib və işğalçı qüvvələrə ciddi itkilər verdirib. O əlavə edib ki, bölmə düşmən piyada itkilərinin 20 faizədək hissəsinə cavabdehdir.

Alfanın uzaqmənzilli əməliyyatlarının təsirinə də toxunan Zelenski bildirib ki, bu fəaliyyətlər sayəsində Rusiya öz təcavüzünün nəticələrini cəbhə xəttindən uzaqda, ölkənin dərinliklərində hiss edir.

Ukrayna Prezidenti vurğulayıb ki, Alfa bölməsi gələcəkdə də uğurlu əməliyyatlar həyata keçirməyə davam edəcək.