Azərbaycan News Agency

Ukrayna Prezidenti Volodimir Zelenski İvano-Frankivskdə keçirilən “Yaşamaq iradəsi” idman yarışında iştirak edən döyüşçülər, veteranlar və əlilliyi olan şəxslərlə görüşdüyünü açıqlayıb.

Zelenski idmançıların mübarizədən vaz keçmədiklərini, idman vasitəsilə sağaldıqlarını və güclərini bərpa etdiklərini bildirib. O, iştirakçıların səkkiz müxtəlif idman növü üzrə yarışdığını qeyd edərək, onlarla görüşdüyünü və briqadalarının döyüş bayraqlarını imzaladığını bildirib.

Zelenski fiziki və psixoloji reabilitasiya sahəsini inkişaf etdirən, veteranları bu prosesə cəlb edən və müdafiəçilərin fəal həyata qayıtmasına imkan yaradan hər kəsə təşəkkür edib.