Azərbaycan News Agency

Ukrayna prezidenti Volodimir Zelenski Kanada baş naziri Mark Karni ilə görüşərək avropalı liderlərlə koordinasiyanın həyata keçirildiyini bildirib.

Ukraynaya göstərilən dəstəkdən məmnunluğunu ifadə edən Zelenski, xüsusilə hava hücumundan müdafiə sahəsindəki yardımların kritik əhəmiyyət daşıdığını vurğulayıb.

Zelenski Rusiyanın Ukrayna şəhərlərinə və mülki əhaliyə qarşı hücumlarını davam etdirdiyini, Moskvanın Milad dövrü üçün atəşkəs təkliflərini belə rədd etdiyini və raketlərlə pilotsuz uçuş aparatları vasitəsilə hücumların intensivliyini artırdığını qeyd edib.

Zelenski Ukraynaya kifayət qədər dəstəyin təmin edilməsinin və Rusiya üzərində effektiv təzyiqin davam etdirilməsinin vacibliyinə diqqət çəkib.

O, həmçinin Kanadanın yeni yardım paketi elan etdiyini bildirərək, bir çox əsas məsələlər üzrə ortaq mövqelərin olmasının əhəmiyyətini vurğulayıb.