Azərbaycan News Agency

Zelenski, Ukrayna daxili işlər naziri İqor Klımenkonun hesabat təqdim etdiyini və zərər görmüş bölgələrdə təcili təmir işlərinin davam etdiyini qeyd edib.

O, bütün axtarış-xilasetmə əməliyyatlarının tamamlandığını və 31 nəfərin həlak olduğunu təsdiqlədiklərini bildirib.

“Həlak olanların ailələrinə və yaxınlarına başsağlığı verirəm. 16-sı uşaq olmaqla 159 nəfər yaralanıb. Hamısı hazırda lazım olan tibbi yardımı alır. Xilasedicilərə, polis əməkdaşlarına, həkimlərə, tibb bacılarına, ictimai xidmət işçilərinə – bir sözlə insanlara yardım edən hər kəsə minnətdaram. Bu, həqiqətən həyati əhəmiyyət daşıyır.”

Zelenski bildirib ki, Rusiyanın bu hücumu bir daha Moskvaya qarşı təzyiqin artırılmasının və əlavə sanksiyaların vacibliyini ortaya qoyur: “Rusiya bu alçaq hücumu ilə bir daha Moskvaya qarşı təzyiq və əlavə sanksiyaların vacibliyini göstərdi. Prezident Tramp, Avropa liderləri və digər tərəfdaşların vəziyyəti aydın şəkildə görüb Rusiyanı qınamalarını yüksək qiymətləndiririk.”