Zelenski: Rusiya aktivləri Ukraynanın müdafiəsi və yenidən qurulması üçün istifadə olunmalıdır
Brüssel, 18 dekabr (Hibya) – Ukrayna Prezidenti Volodimir Zelenski Avropa İttifaqı (Aİ) Şurasının iclasında Rusiyaya məxsus dondurulmuş aktivlərin Ukrayna üçün istifadə edilməsinin legitim olduğunu bildirib.
Prezident Zelenski Aİ Şurasının iclasında çıxışı zamanı Rusiyaya məxsus aktivlərin Ukraynanın müdafiəsi və hücumlar nəticəsində dağıdılmış ərazilərin yenidən qurulması üçün istifadə edilməli olduğunu vurğulayıb.
Zelenski deyib: “Əgər səlahiyyətli orqanlar narkotik qaçaqmalçılarının pullarını və terrorçuların silahlarını müsadirə edirsə, o zaman Rusiya aktivləri də Rusiya təcavüzünə qarşı müdafiə və Rusiya hücumları nəticəsində məhv edilənlərin yenidən qurulması üçün istifadə olunmalıdır. Bu, mənəvi, ədalətli və qanunidir.”
Azərbaycan İnformasiya Agentliyi
Facebook
Tweeter
Whatsapp
