Azərbaycan News Agency

Ukrayna Prezidenti Zelenski bildirib ki, Rusiyanın həyata keçirdiyi genişmiqyaslı hücumdan sonra bir çox bölgədə xilasetmə və təmir işləri davam edir.

Zelenski qeyd edib ki, bu, enerji sektoruna mümkün qədər çox zərər vurmaq məqsədilə qəsdən planlaşdırılmış birgə hücum olub. “Təxminən 400 pilotsuz uçuş aparatı və ballistik raketlər də daxil olmaqla müxtəlif növlərdə 29 raket istifadə olunub. Əhəmiyyətli sayda raket vurulub, lakin təəssüf ki, zərbələr də olub,” deyə o bildirib.

Zelenski bütün zəruri xidmətlərin yardım üçün səfərbər edildiyini vurğulayaraq əlavə edib:

“Ümumilikdə 12 bölgə hədəf alınıb və təəssüf ki, aralarında uşaqların da olduğu 9 nəfərin yaralandığı bildirilib. Onu aşkın yaşayış evi və dəmir yolu infrastrukturu zərər görüb. Tərəfdaşlar həyata qarşı edilən bütün bu hücumlara cavab verməlidirlər. Rusiya öz təcavüzünə görə cavab verməlidir. Əgər ədalət və güc varsa, diplomatiya daha effektiv olacaq.”