Azərbaycan News Agency

Ukrayna Prezidenti Volodimir Zelenski Finlandiya Prezidenti Aleksandr Stubb ilə görüşündə Rusiyanın hücumlarından sonra Ukraynadakı son vəziyyət barədə məlumat verib.

Zelenski gecə saatlarından etibarən Kiyev başda olmaqla Ukraynanın şəhər və bölgələrində hava hücumu həyəcanının elan edildiyini, pilotsuz uçuş aparatları və ballistik raketlərlə hücumların həyata keçirildiyini bildirib.

Zelenski və Stubb Ukraynanın müdafiə qabiliyyətinin gücləndirilməsi, F-16 qırıcı təyyarələrinə dəstək və hava hücumundan müdafiənin təkmilləşdirilməsi məsələlərini müzakirə ediblər. Zelenski Finlandiyanın dəstək verməyə hazır olduğunu qeyd edərək Stubba təşəkkür edib.