Azərbaycan News Agency

Ukrayna Prezidenti Volodimir Zelenski nümayəndə heyəti ilə birlikdə İrlandiyaya səfəri çərçivəsində Dublinə çatdıqlarını və 9-cu Avropa Siyasi Birliyi (ASB) Sammitində iştirak edəcəklərini bildirib.

Zelenski bu gün və sabah tərəfdaşları ilə ikitərəfli və çoxtərəfli görüşlər keçirəcəklərini, təxminən 20 liderlə görüşməyin planlaşdırıldığını qeyd edib. Sammitin açılış plenar iclasında iştirak edəcəyini bildirən Zelenski ABŞ-nin danışıqlar heyətinin üzvləri Stiv Uitkoff və Cared Kuşner ilə diplomatik səylərin müzakirə olunacağı görüşün də gündəmdə olduğunu açıqlayıb.

Sülhü yaxınlaşdırmaq üçün çalışdıqlarını vurğulayan Zelenski Ukraynaya dəstək verən hər kəsə təşəkkür edib.