Azərbaycan News Agency

Ukrayna Prezidenti Zelenski, Ukrayna heyətindən Səudiyyə Ərəbistanındakı ABŞ nümayəndələri ilə apardığı danışıqlara dair, müzakirələrin gedişi və əsas məsələlər də daxil olmaqla ətraflı hesabat alıb.

Zelenski Ukraynanın sülhə doğru irəliləməyə qərarlı olduğunu və etibarlı, davamlı və ədalətli bir sülh üçün bütün şərtləri yaratmaqda öz üzərinə düşən işi etməyə hazır olduğunu vurğulayıb, "Komandalarımıza hərbi yardım və kəşfiyyat paylaşımının yenidən başlanmasından dolayı təşəkkür edirəm. Ukrayna hava və dəniz atəşkəsinə hazır idi, lakin ABŞ bunu quruda genişləndirməyi təklif etdi. Ukrayna bu təklifi məmnuniyyətlə qəbul edir. Belə bir atəşkəsin nəzarəti hələ də vacib bir mövzu olaraq qalır və ABŞ-ın bu cür nəzarətin texniki tərəflərini təşkil etmək istəyini yüksək qiymətləndiririk." dedi.

Təhlükəsizliyin təmin edilməsi zərurətinə toxunan Zelenski qeyd etdi:

"Təəssüf ki, bir gündən çoxdur ki, dünya Rusiyanın təkliflərinə mənalı bir cavab eşitməyib. Bu, Rusiyanın müharibəni uzatmağa və sülhü mümkün qədər gecikdirməyə çalışdığını bir daha göstərir. ABŞ təzyiqinin Rusiyanı müharibəni bitirməyə məcbur etməyə kifayət edəcəyini ümid edirik. Komandamız sülhü yaxınlaşdırmağa qərarlı olan Amerika, Avropa və dünyanın digər bölgələrindəki bütün tərəfdaşlarla konstruktiv şəkildə işləməyə davam etməyə hazırdır."