Azərbaycan News Agency

Ukrayna Prezidenti Volodimir Zelenski Rusiyanın Kiyevə ballistik hücumu zamanı Fransa Prezidenti Emmanuel Makronla danışdığını açıqlayıb.

Ukraynanın əlavə hava hücumundan müdafiə sistemlərinə ehtiyacı olduğunu vurğulayan Zelenski zəruri qərarların qəbul edilməsi üçün tərəfdaşları ilə işlədiklərini bildirib. Qarşıdakı günlərdə yeni raket hücumları təhlükəsinin yüksək olaraq qaldığını qeyd edən Zelenski Rusiyaya təzyiqin artırılmalı və birgə addımların atılmalı olduğunu deyib.

Zelenski neft məhsullarına tətbiq olunan sanksiyaların yumşaldılmasının yaratdığı problemləri də müzakirə etdiklərini bildirərək, Rusiyanın müharibəni davam etdirmək imkanlarının məhdudlaşdırılmalı olduğunu deyib. O, iki ölkənin danışıqları koordinasiya etdiyini və yeni görüşlərə hazırlaşdığını bildirib.