Azərbaycan News Agency

Zelenski bildirib ki, gecə saatlarında mülki yaşayış əraziləri hədəf alınıb, 64 nəfər yaralanıb, onların arasında 9 uşaq var, 3 nəfər isə həlak olub. O, həyatını itirənlərin yaxınlarına başsağlığı verib.

Hücumdan sonra şəhərdə çoxsaylı yanğınlar baş verib. Zelenski qeyd edib ki, Fövqəladə Hallar Xidmətinin operativ müdaxiləsi sayəsində vəziyyət nəzarət altına alınıb.

O vurğulayıb ki, demək olar ki, hər gün yeni Rusiya hücumları ilə üzləşirlər: “Rusiyanın mülki həyatı hədəf alan hər bir hücumu bir daha sübut edir ki, mövcud beynəlxalq təzyiq kifayət etmir.”

Zelenski beynəlxalq ictimaiyyətə, xüsusilə ABŞ və digər dünya liderlərinə daha çox addım atmağa çağıraraq deyib: “Öldürmələri dayandırmaq və həqiqi diplomatiyaya başlamaq çağırışı edən hər kəs indi hərəkətə keçməlidir.”