Azərbaycan News Agency

ABŞ Prezidenti Donald Tramp açıqlamasında qeyd edib ki, ABŞ Beynəlxalq İnkişaf Maliyyə Korporasiyası (DFC) bütün dəniz ticarətinin maliyyə təhlükəsizliyini təmin etmək üçün siyasi risk sığortası və zəmanət təqdim edəcək. Tramp sığortaların “çox münasib qiymətə” təqdim olunacağını bildirib.

Prezident Tramp əlavə edib ki, zəruri olduğu halda ABŞ Hərbi Dəniz Qüvvələri Hörmüz boğazından keçən tankerləri müşayiət edəcək və enerjinin dünya üzrə sərbəst axını təmin olunacaq. Tramp vurğulayıb ki, ABŞ-ın iqtisadi və hərbi gücü dünyanın ən böyüyüdür və yaxın dövrdə əlavə tədbirlər görüləcək.