Azərbaycan News Agency

Albaniya Respublikasının Prezidenti Bayram Beqay paytaxt Tirana şəhərində Qətərin xarici işlər üzrə dövlət naziri Sultan bin Saad Al Muraikhi ilə bir araya gəlib.

Görüş zamanı Qətər əmiri Şeyx Tamim bin Həməd Al Taninin salamlarının Albaniya Prezidentinə çatdırıldığı və qarşılıqlı xoş arzuların ifadə edildiyi bildirilib.

Beqayın da Qətər tərəfinə salamlarını çatdırdığı və iki ölkə arasında dostluq və əməkdaşlığın gücləndirilməsi ilə bağlı arzularını ifadə etdiyi qeyd olunub.

Tərəflərin görüş zamanı ikitərəfli münasibətlərin inkişafı və qarşılıqlı maraq doğuran məsələlər barədə fikir mübadiləsi apardıqları bildirilib.