Azərbaycan News Agency

Birləşmiş Ərəb Əmirliklərinin (BƏƏ) Müdafiə İşləri üzrə Dövlət Naziri Məhəmməd bin Mübarək bin Fadel əl-Məzrui Yunanıstanın milli müdafiə naziri Nikos Dendias ilə bir araya gəlib.

Görüşdə iki ölkə arasında müdafiə və təhlükəsizlik sahələrində əməkdaşlığın inkişaf etdirilməsi müzakirə olunub.

Xüsusilə dəniz təhlükəsizliyi, birgə təlimlər və hərbi təcrübə mübadiləsi mövzularının gündəmə gəldiyi bildirilib.

Tərəflər imzalanan niyyət məktubunun müdafiə əməkdaşlığını gücləndirməyi və regional təhlükəsizliklə sabitliyə töhfə verməyi hədəflədiyini ifadə ediblər.

Həmçinin iki ölkə arasında koordinasiyanın davam etdirilməsinin və müdafiə sahəsində əməkdaşlıq kanallarının inkişaf etdirilməsinin vacibliyi vurğulanıb.