Azərbaycan News Agency

Kanadanın xarici işlər naziri Anita Anand bildirib ki, Manilada Hindistanın xarici işlər naziri Subrahmanyam Cayşankar ilə görüşərək iki ölkə arasında ticarət, investisiya və strateji əməkdaşlığın inkişafı ilə bağlı müzakirələr aparıblar.

Anand xatırladıb ki, mart ayında Kanadanın Baş naziri Mark Karni ilə birlikdə Hindistana etdikləri səfər zamanı Baş nazir Narendra Modi ilə ticarət və investisiyaların artırılması, eləcə də xalqlar arasında əlaqələrin gücləndirilməsi istiqamətində ortaq zəmin formalaşdırılıb.

Anand bildirib ki, Maniladakı görüşdə kritik minerallar, kənd təsərrüfatı və təhsil sahələrində əməkdaşlıq daha da inkişaf etdirilib. O əlavə edib ki, Kanada ilə Hindistan arasında ikitərəfli mal ticarətinin həcmi ötən il 10,9 milyard ABŞ dollarına çatıb və bu, gələcək iqtisadi əməkdaşlıq üçün möhkəm zəmin yaradır.