Fon der Lyayen: Kipr məsələsinin həlli üçün Aİ-nin dəstəyi davam edəcək
Brüssel, 20 iyul (Hibya) - Avropa Komissiyasının Prezidenti Ursula Fon der Lyayen bildirib ki, Avropa İttifaqı Birləşmiş Millətlər Təşkilatı çərçivəsində Kipr məsələsinin həlli istiqamətində aparılan səylərə dəstəyini davam etdirəcək.
Avropa Komissiyasının Prezidenti Ursula Fon der Lyayen BMT-nin Baş katibinin Kipr üzrə şəxsi nümayəndəsi Mariya Angela Holquin ilə görüşdüyünü açıqlayıb.
Fon der Lyayen bildirib ki, Holquinin BMT çərçivəsində və Avropa İttifaqının prinsipləri, dəyərləri və qanunvericiliyinə uyğun şəkildə Kipr məsələsinin həlli istiqamətində apardığı işləri yüksək qiymətləndirir.
Açıqlamada qeyd olunub ki, Avropa Komissiyası həll prosesini bütün imkan və vasitələri ilə dəstəkləməyə davam edəcək. Həmçinin Avropa İttifaqının Kipr üzrə xüsusi nümayəndəsi təyin olunan Raffaele Fittonun prosesin bütün tərəfləri ilə təmaslarını davam etdirdiyi bildirilib.
Azərbaycan İnformasiya Agentliyi
Facebook
Tweeter
Whatsapp
