Azərbaycan News Agency

Piramit Menkul Kıymetler-in təhlilində qeyd olunub:

“Həftəyə müsbət başlayan Asiya səhm bazarlarında yüksəliş davam edir. Bu səhər Yaponiyanın Nikkei 225 indeksi 1,13%, Topix indeksi isə 1,51% artıb. Çində Şanxay Birləşmiş İndeksi 0,96%, Şençjen Birləşmiş İndeksi 0,84% yüksəlib. Honq Konqun Hang Seng indeksi 1,33% dəyər qazanıb. Cənubi Koreyanın Kospi indeksi 1,05%, Tayvanın Taiex indeksi isə 1,57% artıb. Avstraliyanın S&P/ASX200 indeksi isə 0,52% geriləyib.

Bu gün Almaniyanın, sabah isə Avrozonanın dekabr ayı üzrə yekun İQİ (TÜFE) məlumatları açıqlanacaq. Almaniyada İQİ noyabrda aylıq 0,2% azalma, illik isə 2,3% artım göstərərək gözləntilərə uyğun olub. Dekabr ayında aylıq 0,3%, illik isə 2,0% artım gözlənilir.

Bundan əlavə, gün ərzində dünya üzrə dekabr ayına dair yekun xidmət PMI göstəriciləri izləniləcək. İlkin məlumatlara əsasən:

Almaniya göstəricisi dekabrda 53,1-dən 52,6-ya, Avrozona göstəricisi 53,6-dan 52,6-ya enib. Böyük Britaniya göstəricisi 51,6-dan 52,1-ə, ABŞ göstəricisi isə 54,1-dən 52,9-a geriləyib. Yekun göstəricilərdə dəyişiklik gözlənilmir.

BIST 100 indeksi bazar ertəsi günü 1,77% yüksələrək 11.702 bənd səviyyəsində bağlanıb. Gün ərzində indeks 11.510–11.726 diapazonunda hərəkət edib. Ticarət həcmi isə 144,66 milyard TL təşkil edib.

Yuxarı istiqamətli hərəkətlərdə yüksələn trendin müqaviməti olan 11.725 səviyyəsi hədəf götürülə bilər. Aşağı istiqamətli hərəkətlərdə ilkin mərhələdə üfüqi dəstək olan 11.580 səviyyəsi izlənilə bilər. Dəstəyin qırılması halında 11.255 və hərəkətin davamında 10.810 səviyyələri diqqətdə saxlanıla bilər.

Dollarla hesablanan BIST 100 indeksi günə 268 ABŞ dolları səviyyəsindən başlayıb və gün ərzində 267–272 dollar aralığında hərəkət edib, günü 272 dollar səviyyəsində başa vurub. Yuxarı hərəkətlərdə ilkin müqavimət 272 dollar, davamında isə 281 dollar səviyyəsi izlənilə bilər. Aşağı hərəkətlərdə ilkin mərhələdə enən kanalın yuxarı zolağı olan 265 dollar səviyyəsi, daha sonra isə 257 dollar üfüqi dəstək səviyyəsi izlənilə bilər.

VIOP 30 yaxın müddətli kontraktı bazar ertəsi günü 1,82% artımla 13.329 bənd səviyyəsində bağlanıb. Gün ərzində kontrakt 13.106–13.369 diapazonunda hərəkət edib. Texniki baxımdan yuxarı istiqamətli hərəkətlərdə ilkin müqavimət 13.435, davamında isə 13.700 səviyyəsi izlənilə bilər.

Aşağı istiqamətli hərəkətlərdə ilkin mərhələdə üfüqi dəstək olan 13.240 səviyyəsi, qırılma halında isə enən kanalın yuxarı zolağı olan 13.005 və daha sonra 12.500 səviyyələri izlənilə bilər.

USDTRY məzənnəsi bazar ertəsi günü 43,02–43,05 diapazonunda hərəkət edib. Yuxarı hərəkətlərdə ilkin müqavimət uzunmüddətli yüksələn kanalın müqaviməti olan 43,10 səviyyəsidir. Bu səviyyənin aşılması halında 43,68 və daha sonra 44,18 səviyyələri izlənilə bilər.

Aşağı istiqamətli hərəkətlərdə ilkin mərhələdə uzunmüddətli yüksələn kanalın dəstəyi olan 42,53 səviyyəsi, hərəkətin davamında isə üfüqi dəstək olan 41,53 səviyyəsi izlənilə bilər.”