Azərbaycan News Agency

Avropa İttifaqının Xarici Əlaqələr və Təhlükəsizlik Siyasəti üzrə Ali Nümayəndəsi Kaja Kallas Belqrad–Priştina Dialoqu çərçivəsində əldə olunan yeni irəliləyişlərlə bağlı açıqlama verib.

Kallas bildirib: "Bu gün əldə olunan vətəndaş qeydiyyatı və Xaricilər haqqında Qanun üzrə razılaşma Kosovoda yaşayan bütün insanlar üçün mühüm addımdır. İctimai xidmətlərin davamlılığının təmin edilməsi vacibdir".

Layihəyə töhfə verən hər kəsə təşəkkür edən Kallas deyib: "Bu layihənin həyata keçirilməsinə konstruktiv töhfə verən hər kəsə təşəkkür edirəm".

Razılaşmaların icra mərhələsinin əhəmiyyətini vurğulayan Kallas bildirib: "Gələcək mərhələdə əvvəllər əldə edilmiş razılaşmaların icrası həyati əhəmiyyət daşıyır. Bu inkişaf Belqrad–Priştina Dialoquna yeni təkan verir və yaxın vaxtlarda yüksək səviyyəli görüşə ev sahibliyi etməyə hazıram".