Azərbaycan News Agency

Ukraynanın xarici işlər naziri Andrii Sıbixa Rusiyanın Ukrayna üzrə həyata keçirdiyi raket və pilotsuz uçuş aparatları hücumları ilə bağlı açıqlama verib.

Gecə baş verən dağıntılara diqqət çəkən Sıbixa deyib: «Ukraynada dəhşətli və yuxusuz bir gecə idi. Kiyev bölgəsində ən azı dörd nəfər həlak olub və çox sayda insan yaralanıb. Rusiya mülki şəxsləri və infrastrukturu hədəf alan onlarla ballistik raket və yüzlərlə pilotsuz uçuş aparatı ilə böyük bir hücum həyata keçirib».

Sıbixa hücumların beynəlxalq reaksiyasızlıqdan güc aldığını bildirib: «Dünən gecə Ukraynanı sarsıdan hər bir partlayış Rusiyanın cəzasızlıq hissinin birbaşa nəticəsidir. Rusiya müharibəni bitirməkdən imtina edir. Əksinə Ukraynaya qarşı təcavüzünü davam etdirir və İranın Yaxın Şərqdəki terrorunun yayılmasını dəstəkləyir».

Diplomatik yanaşmaları tənqid etməyə davam edən nazir Sıbixa bildirib: «Yumşaltma siyasəti heç vaxt sülh gətirməyib. Bu yalnız terrorun və müharibənin yayılmasına səbəb ola bilər. Ukraynanın mövqeyi hər zaman aydın olub və belə də qalır».