Azərbaycan News Agency

Həftənin ilk ticarət günündə Avropa bazarlarında dalğalı dinamika qeydə alınıb. İtaliya və Böyük Britaniya birjaları yüksəlib, Fransa bazarında isə eniş müşahidə olunub. STOXX 600 və Almaniyanın DAX indeksləri isə günü dəyişməz başa vurub.

İtaliyada FTSE MIB indeksi 1,01 faiz artaraq 51.682,43 bəndə yüksəlib.

Böyük Britaniyada FTSE indeksi 0,12 faiz artaraq 10.497,12 bəndə çatıb. Fransada isə CAC indeksi 0,55 faiz azalaraq 8.384,87 bənd səviyyəsində bağlanıb.

Avropada STOXX 600 indeksi 641,73 bənd səviyyəsində dəyişməz qalıb, Almaniyanın DAX indeksi də dəyişməyərək günü 24.995,81 bənddə başa vurub.