Azərbaycan News Agency

Pakistanın Baş nazirinin müavini və xarici işlər naziri senator Məhəmməd İshaq Dar Azərbaycan xarici işlər naziri Ceyhun Bayramov ilə telefon danışığı aparıb.

Danışıq zamanı İslamabadda baş vermiş hücum, həmçinin iki ölkə arasında strateji tərəfdaşlıq məsələləri müzakirə olunub.

Xarici işlər naziri Bayramov Azərbaycan Prezidenti, hökuməti və xalqı adından başsağlığı verərək, İslamabad hücumunun qurbanları üçün dualar etdiyini və Pakistanla həmrəy olduqlarını bildirib.

Hücumu qətiyyətlə pisləyən Baş nazirin müavini və xarici işlər naziri Dar isə Pakistanın terrorizm təhlükəsi ilə mübarizədə qəti mövqeyini bir daha vurğulayıb.