Azərbaycan News Agency

Birləşmiş Ərəb Əmirliklərinin (BƏƏ) Hərbi Dəniz Qüvvələrinin komandanı general-mayor Humaid Mohammed Al Rumaithi paytaxt Əbu-Dabidə ABŞ Mərkəzi Komandanlığının Hərbi Dəniz Qüvvələrinin komandanı vitse-admiral Curt Renshaw və onun nümayəndə heyəti ilə görüş keçirib.

BƏƏ Müdafiə Nazirliyinin açıqlamasına görə, görüşdə qarşılıqlı maraq doğuran məsələlər müzakirə olunub, dənizçilik sahəsində hərbi əməkdaşlığın və koordinasiyanın inkişaf etdirilməsi yolları nəzərdən keçirilib. Tərəflər həmçinin iki ölkənin ortaq maraqlarına xidmət etmək məqsədilə təcrübə və məlumat mübadiləsinin artırılmasını müzakirə ediblər.