Azərbaycan News Agency

İran Xarici İşlər Nazirliyinin sözçüsü İsmayıl Bəqai Pakistanda davam edən danışıqlar prosesi və ABŞ tərəfindən səsləndirilən açıqlamalarla bağlı qiymətləndirmələr aparıb.

ABŞ rəsmilərinin və medianın mövqeyinə reaksiya verən Bəqai deyib: “ABŞ rəsmiləri İranı ‘xoş niyyətdən məhrum olmaqda’ və ‘şantaj etməkdə’ ittiham etdiyi halda, ABŞ siyasəti və mediasındakı bəzi ünsürlər danışıqlar uğursuz olarsa, iranlı danışıqçıların sui-qəsdini açıq şəkildə tövsiyə edirlər.”

Bu cür ritorikanın diplomatik nəzakətlə uzlaşmadığını vurğulayan Bəqai bildirib: “Bu, terroru, zorakılığı və adam öldürmə hədəsini, yaxud ictimai təhrik yolu ilə şantajı normallaşdıran siyasi diskurs deyilmi?”

Sözçü Bəqai beynəlxalq ictimaiyyətə çağırış edərək bəyanatını belə yekunlaşdırıb: “Dövlət terrorizminə bu açıq ictimai təhrik hamı tərəfindən pislənməlidir.”