Azərbaycan News Agency

İran Xarici İşlər Nazirliyinin sözçüsü İsmayıl Bəqayi ABŞ administrasiyasının diplomatik öhdəliklərinə əməl etməməsinin, güc və təzyiqə əl atmasının iranlıların dini inancları ilə əlaqələndirilə bilməyəcəyini bildirib.

İnancın rasionallığa mane olmadığını, dünyəviliyin də özlüyündə müdrikliyə zəmanət vermədiyini ifadə edən Bəqayi ABŞ-nin həqiqi diplomatiya əvəzinə birtərəfli diktələrə əsaslanan yanaşmasının rasional danışıqları çətinləşdirdiyini irəli sürüb.

Bəqayi qarşılıqlı addımlar atmaqdan imtina edərkən güzəştlər tələb etməyin, qarşı tərəfin qanuni maraqlarını nəzərə almadan şərtlər irəli sürməyin davamlı razılaşma gözləntisi ilə uyğun gəlmədiyini qeyd edib.

İranlıların dini inancları ilə bağlı ideoloji fərziyyələrdən imtina edilməsinin vacibliyini bildirən Bəqayi ABŞ-ni İranın strateji maraqlarını və qanuni təhlükəsizlik narahatlıqlarını anlamağa çağırıb. Bəqayi həmçinin ABŞ administrasiyasının başqalarını günahlandırmaq əvəzinə yerinə yetirmədiyi öhdəliklərlə üzləşməli olduğunu ifadə edib.