Azərbaycan News Agency

Birləşmiş Millətlər Təşkilatının (BMT) İnsan Hüquqları üzrə Ali Komissarlığı sosial media hesabında yayımladığı bəyanatda Misirdə jurnalistlərə göstərilən təzyiqləri tənqid edərək hökuməti mətbuat azadlığına hörmət etməyə çağırıb.

Bəyanatda müstəqil jurnalistlərə qarşı bütün təqib və təzyiq formalarına, eləcə də mətbuat azadlığına qarşı hücumlara son qoyulmasının vacibliyi vurğulanıb.

Jurnalistlərin öz peşə vəzifələrini qorxu və hədə-qorxu olmadan yerinə yetirməli olduqlarını bildirən BMT Misir hökumətini ifadə azadlığına və informasiya əldə etmək hüququna hörmət etməyə çağırıb.