Azərbaycan News Agency

ABŞ Nümayəndələr Palatasının sədri Mayk Conson müharibə naziri Pit Heqsetə qarşı gündəmə gətirilən impiçment təşəbbüsünə münasibət bildirib. Conson bu təşəbbüsün diqqəti cəlb etməyə yönəlmiş siyasi manevr olduğunu iddia edib.

Heqsetin öz vəzifəsini müstəsna şəkildə yerinə yetirdiyini bildirən Conson beynəlxalq münaqişələrin yaşandığı bir vaxtda müharibə nazirinin vəzifədən uzaqlaşdırılmasına cəhd edilməsinin həm düşmənlərə, həm də müttəfiqlərə yanlış mesaj göndərəcəyini vurğulayıb.

Conson belə bir siyasi oyunun iştirakçısı olmayacaqlarını qeyd edərək, təşəbbüsü utancverici adlandırıb.