Azərbaycan News Agency

Litvanın xarici işlər naziri Kestutis Budrys Moldovanın xarici işlər naziri Mihai Popsoini və Moldova xalqını Müstəqillik Günü münasibətilə təbrik edib.

Budrys bildirib ki, azadlığın təminatlı hesab edilə bilməyəcəyi bir dövrdə Moldova demokratik dəyərlərə, islahatlara və Avropaya inteqrasiyaya güclü sadiqlik nümayiş etdirir.

Moldovanın bu strateji seçimlərinin təkcə ölkəni deyil, Avropa qitəsini də gücləndirdiyini bildirən Budrys Litvanın Moldovanın etibarlı dostu və tərəfdaşı olmaqdan qürur duyduğunu deyib.

Budrys Moldovanın Avropa gələcəyinə və iki ölkə arasında inkişaf edən tərəfdaşlığa dəstəyin davam etdiriləcəyini bildirərək Moldovanı Müstəqillik Günü münasibətilə təbrik edib.