Azərbaycan News Agency

Pakistan Baş nazirinin müavini və xarici işlər naziri Məhəmməd İshaq Dar Rusiyanın daxili işlər naziri Vladimir Kolokoltsev ilə Pakistan Xarici İşlər Nazirliyində görüşüb. Görüşdə Pakistanın daxili işlər naziri Mohsin Naqvi və dövlət naziri Talal Chaudhry də iştirak ediblər.

Pakistan Xarici İşlər Nazirliyinin açıqlamasına görə, Dar Pakistan-Rusiya münasibətlərindəki müsbət inkişafdan məmnunluğunu ifadə edərək son dövrdə həyata keçirilən yüksək səviyyəli səfərləri və təmasları alqışlayıb.

Görüş zamanı tərəflər ticarət, investisiya, mədəniyyət və turizm sahələrində əməkdaşlığın genişləndirilməsi imkanlarını nəzərdən keçiriblər. Xalqlar arasında əlaqələrin gücləndirilməsi və Şanxay Əməkdaşlıq Təşkilatı (ŞƏT) başda olmaqla, çoxtərəfli platformalarda sıx əməkdaşlığın davam etdirilməsi də müzakirə olunub.

Dar açıqlamasında iki ölkə arasındakı münasibətlərdə əldə olunan müsbət irəliləyişlərə diqqət çəkib.