Azərbaycan News Agency

ABŞ Prezidenti Donald Tramp rəsmi sosial media hesabında Alyaskadakı LNG layihəsi ilə bağlı açıqlama verib. Tramp layihənin Alyaska tarixində ən böyük enerji infrastrukturu investisiyası olduğunu vurğulayaraq Cənubi Koreyanın layihəyə 50 milyard dollarlıq infrastruktur sərmayəsi yatıracağını bildirib.

Tramp Cənubi Koreyanın investisiyasının iki ölkə arasındakı ticarət və investisiya sazişinin bir tərkib hissəsi olduğunu qeyd edib. Tramp, həmçinin ABŞ Ticarət Naziri Hovard Latnikin Alyaska LNG layihəsi üçün Tayvandan 70-80 milyard dollar dəyərində satınalma öhdəliyi aldığını bəyan edib.

Tramp Tayvanın sözügedən öhdəliyinin növbəti 20 il ərzində boru kəmərinin 30 faizinə bərabər olduğunu bildirərək: "Bu, tarixdəki ən böyük satınalma müqaviləsidir" deyib.

Tramp Tayvanın layihəyə 4,4 milyard dollarlıq birbaşa nizamnamə kapitalı sərmayəsi qoymağa da razılaşdığını açıqlayıb. Layihənin ABŞ federal hökumətinə məxsus olduğunu və zəruri icazələrin alındığını qeyd edən Tramp: "Bu, Alyaska tarixindəki ən böyük layihədir və bu yalnız mənim Ağ Evdə olmağım sayəsində gerçəkləşir" deyə bildirib.