Azərbaycan News Agency

Almaniyanın xarici işlər naziri Yohan Vadeful Bolqarıstanın xarici işlər naziri Mariya Qabriyelinin səfəri və iki ölkə arasındakı münasibətlər barədə açıqlama verib.

Sosial media hesabında paylaşım edən Vadeful: "Qara dəniz müharibə zonasına çevrilməməlidir. Bolqarıstanın ərazi sularında və başqa yerlərdə mülki gəmilərə qarşı yönəlmiş hücumlar qəbuledilməzdir" deyə qeyd edib.

Almaniyanın birgə təhlükəsizliyin qorunması istiqamətindəki fəaliyyətlərdə Bolqarıstanla həmrəy olduğunu vurğulayan Vadeful: "Bolqarıstan ortaq təhlükəsizliyimizi qorumaq üçün çalışarkən Almaniyanın həmrəyliyinə arxalana bilər" deyə bildirib.

Vadeful paylaşımında Bolqarıstanın xarici işlər nazirinə səfərinə və iki ölkə arasındakı dostluq münasibətlərinə görə təşəkkür edib.