Azərbaycan News Agency

Qətər Xarici İşlər Nazirliyinin sözçüsü və Baş nazirin müşaviri Əl-Ənsari Almaniya Xarici İşlər Nazirliyinin dövlət katibi Geza Andreas fon Geyr ilə görüş keçirib.

Berlində keçirilən görüşdə tərəflər Qətər ilə Almaniya arasındakı münasibətlərin inkişaf etdirilməsi və gücləndirilməsi istiqamətində addımları qiymətləndirib, eyni zamanda regiondakı son hadisələri, xüsusilə ABŞ ilə İran arasında vasitəçilik təşəbbüslərini müzakirə ediblər.

Qətər Xarici İşlər Nazirliyinin açıqlamasına görə, görüş zamanı qarşılıqlı maraq doğuran müxtəlif regional və beynəlxalq məsələlər də gündəmə gəlib.

Görüşdə Qətərin Almaniyadakı səfiri Abdullah bin İbrahim Əl-Hamar da iştirak edib.