Azərbaycan News Agency

İranın xarici işlər naziri Əraqçi bildirib ki, son vaxtlar valyuta məzənnəsindəki müvəqqəti dalğalanmalardan təsirlənən bəzi qruplar dinc etirazlar keçirib və bunun qanuni hüquq olduğunu vurğulayıb.

Əraqçi əlavə edib ki, bu etirazlar zamanı polis bölməsinə hücum və polisə molotov kokteyli atılması kimi ayrı-ayrı zorakılıq halları da baş verib.

ABŞ Prezidenti Donald Trampın ölkə daxilində Milli Qvardiyanı səfərbər etdiyini xatırladan Əraqçi deyib: “ABŞ sərhədləri daxilində Milli Qvardiyanı səfərbər etdiyini nəzərə alsaq, ictimai mülkiyyətə qarşı cinayət xarakterli hücumların yolverilməz olduğunu ən yaxşı bilən şəxs elə özü olmalıdır. Buna görə də Prezident Trampın bugünkü mesajı məsuliyyətsiz və təhlükəlidir.”

Əraqçi vurğulayıb ki, İran xalqı keçmişdə olduğu kimi daxili işlərinə hər cür müdaxiləni rədd edəcək və əlavə edib: “Eyni zamanda, güclü silahlı qüvvələrimiz də həyəcan vəziyyətindədir və İranın suverenliyinə hər hansı pozuntu olacağı təqdirdə hara nişan alacaqlarını dəqiq bilirlər.”