Azərbaycan News Agency

Fələstin Xarici İşlər və Xaricdə Yaşayanlar Nazirliyi Küveytdə baş vermiş hücumla bağlı bəyanat yayıb.

Nazirliyin bəyanatında Küveytdə bir binanı hədəf alan hücumun "ən sərt ifadələrlə" pisləndiyi bildirilib.

Bəyanatda hücumun Küveytin suverenliyinə açıq pozuntu olduğu, ölkənin təhlükəsizliyi, sabitliyi və ərazi bütövlüyü üçün təhdid yaratdığı vurğulanıb.

Həmçinin bildirilib ki, hücum BMT Nizamnaməsinin və beynəlxalq hüququn pozulmasıdır və regionun təhlükəsizliyi və sabitliyi baxımından təhlükəli gərginlik yaradır.

Fələstin rəhbərliyi Küveyt rəhbərliyi, hökuməti və xalqı ilə həmrəy olduğunu bildirərək, ölkənin suverenliyini və təhlükəsizliyini qorumaq üçün gördüyü tədbirləri dəstəklədiyini ifadə edib.