Azərbaycan News Agency

İran Xarici İşlər Nazirliyinin sözçüsü İsmayıl Baqai Qeşm adasında mülki şəxslərin həlak olduğu bildirilən hücumu pisləyərək, hadisənin İran xalqının birliyini və həmrəyliyini daha da gücləndirəcəyini bildirib.

Baqai iddia edib ki, gecə saatlarında Qeşmdə baş verən hücum zamanı taksi sürücüsü Keysar Cəfəri, həyat yoldaşı Zəhra Cəfəri və iki yaşlı övladları Sina həlak olub.

Baqai hücum nəticəsində çoxlu sayda evin də dağıldığını bildirib.

Hücumu "alçaq" adlandıran Baqai deyib: "Bu cinayətlər, İŞİD-in terror aktlarını xatırladan və 'güc yolu ilə sülh' pərdəsi altında bir xalqı öz hüquqları, ləyaqəti və müstəqilliyi uğrunda israr etdiyi üçün cəzalandırmaq məqsədilə törədilən əməllərdir və cinayətkarlara heç vaxt nüfuz və legitimlik qazandırmayacaq. Hər partlayış, hər qətl, hər sanksiya, hər təhdid və hər öldürülən uşaqla siz iranlıları öz vətənlərini müdafiə etməkdə daha qətiyyətli və daha birlik edirsiniz."