Azərbaycan News Agency

ABŞ-ın müharibə naziri Pit Hegset senator Mark Kellinin hərbi ədalət qarşısındakı öhdəliklərini pozduğu əsas gətirilərək nazirliyin hərəkətə keçdiyini bildirdi.

Kellinin pensiya hüquqları ilə bağlı proses barədə məlumat verən Hegset dedi: “Müharibə Nazirliyi ABŞ Hərbi Dəniz Qüvvələrinin istefada olan kapitanı Mark E. Kelli barəsində inzibati icraata başlayır. 10 USC-yə uyğun olaraq nazirlik pensiya dərəcəsinin müəyyən edilməsi prosesini başladıb və pensiya dərəcəsində ediləcək hər hansı azalma pensiya maaşında müvafiq azalmaya səbəb olacaq.”

İttihamların əsasına və Kellinin hüquqi statusuna diqqət çəkən Hegset qeyd etdi: “Bu addımlar kapitan Kellinin 2025-ci ilin iyun-dekabr ayları arasında verdiyi, qanuni hərbi əməliyyatları qanunsuz kimi xarakterizə etdiyi və Silahlı Qüvvələrin üzvlərinə qanuni əmrləri rədd etməyi tövsiyə etdiyi ictimai bəyanatlara əsaslanır.”

Hegset bəyanatını belə tamamladı: “Bu davranış mahiyyət etibarilə üsyankar xarakter daşıyır və istefada olan, lakin maaş almağa davam edən kapitan Kellinin tabe olduğu Hərbi Ədalət Məcəlləsinin 133 və 134-cü maddələrini pozur.”