Azərbaycan News Agency

İsrail Prezidenti İsaak Hersoq ABŞ-ın xüsusi nümayəndəsi Cared Kuşner və Sülh Şurasının Ali Nümayəndəsi Nikolay Mladenov ilə görüş keçirib.

Hersoq Prezident iqamətgahında keçirilən görüşdə Qəzzadakı prosesin növbəti mərhələyə keçirilməsi istiqamətində səylərin müzakirə edildiyini bildirib.

Görüşdən sonra açıqlama verən Hersoq, “Prezident Trampın 20 Maddəlik Planına uyğun olaraq Qəzzada növbəti mərhələlərə keçilməsi üçün davam edən səylərinə görə onlara minnətdaram” deyib.

Hersoq plan çərçivəsində İsrailin təhlükəsizlik maraqlarının mühüm və mərkəzi element olmasından məmnunluğunu ifadə edərək, “İsrail xalqı, Qəzza xalqı və bütün region xalqları üçün daha parlaq və daha təhlükəsiz gələcəyin təmin olunması istiqamətində səylərini yüksək qiymətləndirir və dəstəkləyirəm” deyib.