Azərbaycan News Agency

İDF-nin açıqlamasında bildirilib ki, iki gün əvvəl Qəzza zolağının müxtəlif bölgələrinə endirilən hava zərbələri nəticəsində HƏMAS-ın təchizat üzrə məsulu olduğu bildirilən Məhəmməd əl-Abd və komandir kimi təqdim edilən Əhməd Main Məhəmməd Ankar öldürülüb.

Açıqlamada qeyd olunub ki, Məhəmməd əl-Abd müharibədən əvvəl və müharibə zamanı Qəzzaya silah qaçaqmalçılığı və tunel fəaliyyətlərində iştirak edib. Həmçinin iddia olunub ki, son dövrlərdə hər iki şəxs İsrail hərbçilərinə və mülki şəxslərinə qarşı hücumların planlaşdırılmasında iştirak edib.

İsrail ordusu bildirib ki, həmin şəxslər "dəqiq hava zərbələri ilə zərərsizləşdirilib". Həmçinin Cənub Komandanlığına tabe bölmələrin mövcud razılaşmalara uyğun olaraq bölgədə yerləşməyə davam edəcəyi və təhdid hesab etdiyi qüvvələrə qarşı əməliyyatlarını davam etdirəcəyi vurğulanıb.